首頁 / 護眼產品及禮劵

眼科視光檢查
保養您眼睛; 守護您健康!!
HK$880起 / 50-65 min

*2024暑假期內此檢查$780起

詳細描述:

仔細觀察眼睛有可能告訴我們一些和身體健康相關的狀況。因此, 全面嘅眼科視光檢查不僅僅是視力檢查, 而係保護您們眼睛以至健康嘅第一道防線。 連結此BBC新聞報導可以了解到一個經由眼科視光檢查而覺察到腦腫瘤嘅嚴重病例。

為了更好保護您寶貴嘅眼睛視力, 我們嘅眼科視光檢查引入了常規光學同調斷層掃描儀 (OCT)分析您黃斑點嘅結構。 檢查時如發現異常狀況,眼科視光師會更進一步客觀掃描分析您其他眼底結構狀況,作更全面嘅眼睛健康分析,提供給您眼睛最週全嘅保護。


長者眼科視光檢查
清晰視力, 快活人生!!
HK$680 / 60 min

詳細描述:

有好多原因可引致⻑者視⼒模糊,護眼.家 為⻑者進行嘅眼科視光檢查特別著眼於判別其視覺機能變化,是由於不能避免的正常衰退如老花,還是源於較嚴重嘅疾病如⽩內障、青光眼、老年黃斑病變、糖尿病上眼或高血壓性視網膜病等,繼⽽決定應否藉由合適嘅眼鏡處⽅去改善狀況;⼜或者轉介到專科或眼科醫⽣作其他檢查和治療,協力確保⻑者享有眼睛及⾝體健康, 盡享美好嘅退休生活。

iCare Eyecare 護眼.家已登記成為香港特別行政區政府⻑者醫療券計劃嘅合資格服務提供者。合資格嘅65歲以上⻑者可以在iCare Eyecare 護眼.家使用醫療券支付眼科視光檢查和可以改善視力嘅處方眼鏡費用。


2歲半至6歲幼童視力及視覺檢查
服務涵蓋2歲以上小朋友, 年幼小朋友的必要檢查
HK$500 / 40 min

*2024暑假期內此檢查$450

詳細描述:

很多爸媽都著緊小孩嘅視力及視覺健康,但怕小孩年記太少不適合做詳細嘅檢查。但專業團體如香港眼科視光師學會、美國視光師協會等其實建議嬰兒可早至六個月大就見一次眼科視光師。而一般建議幼童最起碼在三歲時做第一次詳細檢查,診斷是否患有視覺/發育阻礙如雙眼高度屈光差異 (Anisometropia, 鴛鴦眼)、色弱、斜視或雙眼協調功能不全和其他先天性眼疾,期望盡早治療,幫助兒童健康成長。


學童近視風險評估及非藥物近視管理諮詢計劃
鞏固子女長遠眼睛健康

(適合未確定是否患有近視或正在考慮合適近視控制方案的小朋友)

HK$980起 / 60-80 min

新增一年內合共兩次光度及眼軸 (AL)檢查

*2024 暑假期內惠顧此檢查可享免費軟性隱形眼鏡或角膜矯視OK鏡試戴!

詳細描述:

根據衛生署資料, 超過六成初中學童有近視狀況(1) 。

DR. MARCO:「 近視絕對唔只係儀容外觀上嘅問題,近年醫學上嘅共識認為近視係一個影響眼睛健康嘅狀況。深度近視(> -5.00D)連帶的眼球過度增長(Axial Elongation) 會增加引致失明疾,例如近視性黃斑病變、青光眼、視網膜脫落等嘅風險,近視越深風險越高。」

所以主動喺小朋友近視增長最活躍期(約6至12歲 )前了解同管理近視嘅先天同後天因素,可減少近視加深同減低眼疾風險,緊張子女健康嘅父母一定會注意。

(1) 資料來源:衛生署學生健康服務 https://bit.ly/3zYIzWD

iCare Eyecare 護眼.家 學童近視風險諮詢及管理服務涵蓋兩歲半以上嘅小朋友,由經驗豐富嘅博士視光師細心分析小朋友嘅先天同後天近視風險,依據循證(Evidence-based) 嘅理論,制定出最適合嘅管理方案,iCare Eyecare 護眼.家 只選用臨床研究支持為有效嘅光學非藥物近視控制方法,包括:

1. 獲得瑞士日內瓦「第四十六屆國際發明展」全場總冠軍嘅豪雅 (Hoya) /香港理工大學 (HK PolyU) 發明: 多區正向光學離焦鏡片 (Defocus Incorporated Multiple Segments DIMS/MiyoSmart) 及 採用嶄新的 H.A.L.T (Highly Aspherical Lenslet Target) 技術嘅依視路 (Essilor) 星趣控 Stellest 鏡片,適合大多數孩子。

2. 應用了多環光學離焦理論嘅軟性隱形眼鏡, 包括 DISC 1 day(PolyU發明), MiSight(CooperVision), 獨有景深擴展設計的 VTI naturalVue,以及散光孩子亦適用嘅SwissLens, 適合較活躍適孩子。  

3. 角膜矯視鏡/矯形術(Orthokeratology/Ortho-K/OK鏡),適合不能/不希望日間佩戴眼鏡嘅孩子。

打好眼睛健康底子, 活出精彩人生!! (唔知你哋想唔想知,2000年後出生嘅小朋友,科學推算平均壽命會係125年!!😱 對眼唔好,玩唔到咁耐!)

觀看一個關於近視的TEDx

角膜矯視OK鏡/角膜矯形術驗配評估
非手術, 可逆轉矯視方法, 幫您解除眼鏡束縛
HK$980起 / 50 min

詳細描述:

Orthokeratology 角膜矯形術/角膜矯視鏡(俗稱OK鏡), 其實係一個大人小朋友都合適嘅非手術, 可逆轉矯視方法, 幫您解除眼鏡束縛, 人都自信啲, 踢波, 游水, 學習都醒神啲! 據說古代中國嘅文獻亦有描述過OK鏡嘅概念, 述說士兵在晚上睡覺時用沙袋壓住眼睛, 第二日就會睇遠清晰啲, 射箭準啲!!

基本上近視度數少於700 (-7D), 散光度數少於300 (-3D) 人士都可以考慮佩戴OK鏡, 亦都適合因為特別眼睛狀況 (例如角膜太薄)不能做激光角膜矯視, 又或者佩戴隱形眼鏡有眼乾狀況的人士

近年國際間嘅近視研究亦確認OK鏡能有效控制小朋友近視, 減少加深, 長遠降低青光眼, 黃斑病風險! 而且長大後近視唔深的話, 激光矯視手術都或者唔使 都真係幾OK㗎!

iCare Eyecare 護眼.家由博士視光師Dr Marco監督整個OK鏡驗配評估程序, 採用嘅鏡片來自美國, 澳洲, 荷蘭, 日本, 確保鏡片適合有效, 佩戴者眼睛長久保持健康!

擔心佩戴過後, 先發覺唔適合? 放心, 我哋亦都有合理嘅退款方案, 詳情可以喺落實鏡片療程之前向我哋職員查詢, 清楚明白先至落實療程!

斜視, 雙眼協調, 動態及運動視能分析及訓練
科學化系統分析, 非手術治療改善斜視, 雙眼協調及動態視能狀況, 提升您嘅運動及學習表現
HK$880起 / 50 min

*2024暑假期內體驗價$580

詳細描述:

眼睛作為我哋接收外界訊息嘅最重要器官, 擁有正常清晰嘅靜態視力(20/20 視敏度 Visual Acuity) 只係基本, 面對瞬息萬變嘅世界, 雙眼協調, 動態及運動視覺能力其實對我們更加重要, 例如喺意外發生嘅時候, 擁有良好嘅運動視能, 會令你更加迅速反應行動, 分分鐘可以救你一命!

美國有研究指出: 每4個小朋友就有1個有不同類型程度嘅動態及運動視能障礙 (Dynamic Vision Dysfunction), 都會有特殊教育需要(SEN), 有時被誤診為不專心, 疲累, 讀寫障礙 (Dyslexia), 甚至係專注力不足/過度活躍症 (ADHD), 但係同樣大大影響佢哋嘅學習及運動能力。

動態及運動視能包括:

1. 動態視力 (Dynamic Visual Acuity): 即係坐定定睇到, 自身或者物件快速移動仲睇唔睇到?

2. 準確快速嘅對焦力: 有助判斷物件距離

3. 兩眼協調及追蹤移動景物準繩度: 有助判斷物件動態軌跡

4. 專注力: 充分了解目標

5. 空間感及定位能力: 經大腦處理視覺訊息後判斷物件位置變化的能力

6. 身體整體協調力: 經大腦處理視覺訊息後相應嘅動作反應

護眼.家 獨家配備先進嘅感知運動眼球追蹤分析系統, 科學化評測運動及動態視能, 配合Dr. Marco監督針對性嘅個人化練習方案, 全力幫助大人小朋友提升動態視覺功能, 咁運動學習都更加得心應手!

專業驗光, 個人化眼鏡及隱形眼鏡驗配
個人化考量, 令你自信出色
HK$300起 / 20-40 min

詳細描述:

Dr Marco: 「好嘅眼鏡唔應該只係靚嘅飾物, 用嚟襯衫, 更重要嘅係提升你視覺功能同生活質素嘅必需品!」

iCare Eyecare 護眼.家 一直精選質量可靠嘅各國眼鏡品牌, 同時亦引入對眼鏡製作工序一絲不苟嘅日本鯖江手造眼鏡, 既重視質量, 又迎合潮流。 更重要係建基於嚴謹精確嘅驗光, 配合我地對鏡架鏡片相對於你面型輪廓, 鏡架彎度/斜度嘅細緻考量, 為您度眼訂造出最適合你個人生活模式, 有效提昇您視覺功能同生活質素嘅個人化眼鏡。

鏡片和隱形眼鏡方面: iCare Eyecare 護眼.家 係各大品牌如 GIA (United States), 依視路 (Essilor, France), 豪雅 (Hoya, Japan), 東海 (Tokai, Japan), 尼康 (Nikon, Japan), 酷柏光學 (CooperVision), 博士倫 (Bausch & Lomb, US), 實瞳 (Seed, Japan), 度身訂製隱形眼鏡 mark'ennovy (Spain), VTI Naturalvue, Swisslens 嘅行貨零售商 , 貨品質素有保證。