【江志榮博士】食乜嘢對眼睛好?
相信大多數人都認同視覺係我哋五感之中最重要嘅一個感知系統， 事實上視覺系統為我地接收八成以上嘅外界資訊，使我哋對瞬息萬變嘅世界作出最適切嘅反應。所以良好嘅視覺絕對係提高我哋生活質素嘅重要一環。
從事前線護眼工作，時常會有客人提問我關於保護眼睛視覺長遠健康嘅好方法。
如同我哋身體嘅其他器官， 視覺系統也會隨著年紀漸漸地老化而功能下降。氧化壓力 (Oxidative stress) 係導致我哋整體老化嘅一個機制所以減低氧化壓力會係保護我哋眼睛視覺長遠健康嘅其中一個方法。
要減低視覺系統承受嘅氧化壓力， 一方面我哋要從源頭著手， 例如到戶外活動要配戴有效阻隔紫外線嘅太陽眼鏡，因為光線本身就係一個很強嘅氧化壓力源頭； 另一方面，我哋亦都可以從良好嘅飲食， 或者營養補充品當中攝取合適嘅抗氧化物(Antioxidant)， 提高視覺系統組織嘅抗病底子。
研究指出， 對我哋視覺系統有益嘅營養主要有以下幾類：
1. 葉黃素(Lutein) 和玉米素(Zeaxanthin)： 可以從綠色蔬菜或者雞蛋中攝取， 能降低患上慢性疾病如老年黃斑病變和白內障的風險；
2. 奧米加3 脂肪酸：可以從深海魚類，例如三文魚中攝取， 對視覺發育和視網膜功能尤其重要，有部分研究亦認為可以紓緩乾眼症的症狀；
3. 維他命C： 可以從新鮮生果蔬菜中攝取， 能減低患上白內障的風險；
4. 維他命E： 存在於堅果類和穀物類食品(Fortified cereals)，能減眼睛組織受到的傷害；
5. 鋅(Zinc)：可以從肉類、豆類製品、 甲殼類海產等等攝取，是身體生產一個眼睛保護色素Melanin的重要微量礦物質。
參考資料來源: https://www.aoa.org/healthy-eyes/caring-for-your-eyes/diet-and-nutrition?sso=y
作者：江志榮博士
註冊視光師（第一部分）
原文轉載: