老花其實係點樣? 可以點處理？
老花係一個眼睛變焦功能隨著年紀下降嘅一個正常衰退, 所有人都不能避免, 所以並唔算係病。
當變焦功能下降到你常用嘅閱讀距離對焦力不足的時候, 就會引起一些眼睛唔舒服, 統稱為眼疲勞 (Asthenopic symptoms), 包括眼睛好攰, 係咁流眼水, 有啲人仲會有頭痛現象咁!
大部分人都知道佩戴合適嘅標準漸進變焦鏡就可以改善老花引起嘅眼睛唔舒服，同埋方便返可以遠近都睇到。
但係而家60歲都話係新中年嘅世代, 室內漸進鏡因為比起傳統嘅標準漸進鏡有更符合眼睛生理狀態嘅中距離視區, 同埋更廣闊嘅中近距離視野, 合適驗配就可以更加提升老花人士嘅工作表現同眼睛舒適度, 全面享樂: 行山, 睇戲, 打牌都可以盡興!
作者：江志榮博士 Dr Marco
視覺科學哲學博士, 註冊視光師 (第一部分)